चिसाङ शेर्पा खोटाङ,
खोटाङमा झुण्डिएर आत्माहत्या गरेको अवस्थामा एक जना पुरुषको शव फेला परेको छ । जिल्लाको उत्तरीक्षेत्र ऐसेलुखर्क गाउँपालिका–६ ज्यामिरे सल्लेटोलका ४२ वर्षीय लेखनाथ लम्सालको शव फेला परेको हो ।

सल्लेटोलको उत्तरतर्फ तीनसय मिटर पर गाईगोठको माथिल्लो तल्लामा मंगलबार झुण्डिएको अवस्थामा शव फेला परेको जिल्ला प्रहरी कार्यालय खोटाङका डिएसपी राजकुमार केसीले जानकारी दिए । मृतकको शवलाई बुधबार जिल्ला अस्पताल दिक्तेलमा पोष्टमार्टमका लागि ल्याइएको छ । पोष्टमार्टम पश्चात शव परिवारलाई जिम्मा दिईने र थप अनुसन्धान गरिने प्रहरीले जनाएको छ ।
२०७५ असोज ३१ विहान ११ :०९ मा प्रकाशित