चिसाङ शेर्पा खोटाङ,
खोटाङमा शिक्षकको परिक्षामा प्रश्नपत्र बाहिरीएको थाहा भएपछि परिक्षा रद्ध भएको छ । हलेसी तुवाचुङ नगरपालिका–११ राजापानीको साविक सात नम्बर वडामा रहेको हेमगंगा आधारभूत विद्धालयको राहात कोटा शिक्षक परिक्षाको प्रश्नपत्र बाहिरीएपछि परिक्षा रद्ध गरिएको हो ।

विद्धालयमा शिक्षक नियुक्तिका लागि शनिवार गराइएको परिक्षामा सहभागी गोपाल कार्की र कौशिला राईको लिखितमा नाम निस्केपछि अर्का सहभागी ललित भुजेलले प्रश्नपत्र बाहिरएको पत्ता लगाएका थिए । परिक्षाको अघिल्लो दिन एक होटलमा आफ्ना सहभागी परिक्षार्थीले प्रश्नपत्र हेरीरहेको र मागेर फोटो खिचेर राखेपछि भोलीपल्ट परिक्षामा सोही प्रश्नपत्र आउदा प्रश्नपत्र बाहिरीएको पत्ता लागेका भुजेलले बताए ।

परिक्षा गराइएको र परिक्षापछि दुईजनाको नाम निस्किएको र नाम ननिस्कनेले आधारहिन अनावश्यक होहल्ला गरेको कारण परिक्षा रद्ध गरिएको प्रधानाध्यापक रोहित काकीले बताए । । परिक्षा समितिलाई प्रश्नपत्र बाहिरीएको भन्ने होहल्ला आयो, विवाद भएकाले परिक्षा रद्ध गरेका हौ । प्रअ कार्कीले भन्नुभयो । पुन : विज्ञापन गरेर परिक्षा गराउने निर्णय सहित उक्त परिक्ष रद्ध गरिएको हो ।
२०७५ असोज २१ साँझ ७ : ०० मा प्रकाशित