समायोजन खबर खोटाङ,

जिल्लामा भूकम्प पिडितलाई तेश्रो किस्ता वितरण सुरु गरिएको छ । महाभूकम्पका कारण घर बिहिन बनेपछि पहिलो र दोश्रो किस्ता लिएर आवास निर्माणको काम गरिरहेका लाभग्राहीलाई राष्ट्रिय पुःर्ननिर्माण प्राधिकरणले तेश्रो किस्ता बितरण थालेको हो । खोटाङका ८ हजार ४४३ लाभग्राहीमध्ये पहिलो र दोश्रो किस्ता लिएर मापदण्ड अनुशार घर निर्माण गरिरहेकामध्ये हालसम्म १३८ लाभग्राहीलाई तेश्रो किस्ता बितरण गरिसकिएको राष्ट्रिय पुननिर्माण कार्यान्वयन इकाई जिल्ला आयोजना कार्यान्वयन इकाई आवास व्यवस्थापन तथा पुर्वाधारको कार्यालयका प्रमुख सागर आचार्यले बताउनुभयो ।

हालसम्म कुल लाभग्राहीमध्ये ८ हजार ३१० लाभग्राहीले पहिलो किस्ता वापत ५० हजार र ३ हजार ३७९ लाभग्राहीले दोश्रो किस्ता वापत १ लाख ५० हजार अनुदान पाएर आवास निर्माणको काम गरिरहेका छन् । दोश्रो किस्ता बुझेर घरलाई छाना हाल्ने अवस्थामा पु¥याएका लाभग्राहीलाई ७५ हजार र शौचालय निर्माणपछि २५ हजारका दरले अनुदान दिने प्रावधान छ ।
२०७५ असोज १७ साँझ ६ :०४ मा प्रकाशित