बंशिलाघाटको झोलुङगे पुल दुई पटक उद्घाटन

चिसाङ शेर्पा खोटाङ,
जिल्लाको बराहपोखरी गाउँपालिका र उदयपुरको चौदण्डीगढी नगरपालिकाको सिमाना बंशिलाघाटस्थित दुधकोसी नदीमा निर्माण भएको झोलुङ्गे पुलको दुई पटक उद्घाटन गरिएको छ । झोलुङगे पुल निर्माणपछि भदौ १० गते उदयपुरको चौदण्डीगढी नगरपालिकाका मेयर खगेन्द्र राई, पौवासेराका वडाध्यक्ष सहितको टोलिले विधिवत ढंगले पुल उद्घाटन गरेका थिए ।

 

यद्यपी, भदौ ११ गते बराहपोखरी गाउँपालिकाको आयोजनामा त्यही झोलुङगे पुल खोटाङका प्रतिनिधिसभा सदस्य विशाल भट्टराई, खोटाङ क्षेत्र नंं.दुईका प्रदेशसभा सदस्य रामकुमार राई ‘पासाङ’ले सामूहिक रुपमा फेरी उद्घाटन गरेका छन् । साइन्स टेक इन्फ्राटक्चर डेभलपमेन्ट एन्ड रिसर्च प्रालिको डिजाइनमा जगदम्बा शंकरमाली जेभीले पुलको निर्माण गरेको हो ।

 

२ सय ३५ मिटर लम्बाई १.५ मिटर चौडाई भएको पुलको ८५ मेट्रिक टन क्षमता रहेको छ । ०३४ सालमा स्थानीय नयन्द्रबहादुर बिष्टले आफ्नै लगानीमा घिर्नी संचालनमा ल्याइ खोटाङ र उदयपुरका जनतालाई सुनकोसी वारिपारी गर्ने वातावरण बनाएका थिए । दुई बर्षपछि घिर्नी बन्द भएपछि डुङ्गाबाट जोखिम मोलेर नदी वारपार गर्नुपर्ने अबस्था थियो ।

 

बंशिलाघाटको एउटै पुल दुईपटक उद्घाटन हुंदा  केही मात्रामा तरंग पैदा भएको छ । सरोकारवाला, बुद्दिजिवी लगायतले दुईपटक पुल उद्घाटन गर्नुको सट्टामा यस्तै अन्य विकासको काममा लागि पर्न सामाजिक सञ्जाल मार्फत पुल उद्घाटनमा संलग्न नेताहरुलाई सुझाव दिएका छन् । पुल निर्माण कम्पनीले बराहपोखरी गाउँपालिकालाई हस्तान्तरण गरेको पुल दुईपटक उद्घाटन गर्नुको रहस्य के हो भनेर बुझ्न खोज्दा बराहपोखरी गाउँपालिका प्रमुख शालिकराम बञ्जरासँग सम्पर्क हुन सकेन ।

 

२०७३ सालको असार ११ गते आफैले शिलन्यास गरेको पुल दुई वर्ष, दुई महिनामा उद्घाटन भएको प्रतिनिधिसभाका सदस्य बिशाल भट्टराईले बताउनुभयो । ०७० सालको निर्वाचन पश्चात नै पुलको माग गर्नमा आफू लागि परेको र त्यहाँबाट निर्वाचित जनप्रतिनिधिको नाताले निम्तो गरेका कारण आफूले पुल उद्घाटन गरेको प्रतिनिधिसभा सदस्य भट्टराइले बताए ।

यो पनि पढ्नुहोस

बंशिलाघाटको झोलुङगे पुल उद्घाटन, स्थानिय हर्षित

क्याप्सन  : बंशिलाघाटको पुल उदघान पश्चात फोटो खिचाउदै अतिथिहरु, तस्विर, समायोजन खबर, २०७५ भदौ १२ गते अपरान्ह ४ : ०० बजे प्रकाशित

 

 

प्रतिकृया दिनुहोस

सम्बन्धित समाचार


ताजा अपडेट

गौरिका सिंहले जितिन् अर्को स्वर्ण

समायोजन खबर काठमाडौं, नेपाली पौडी खेलाडी गौरिका सिंहले अर्को...

सुनको मूल्यमा लगातार गिरावट

समायोजन खबर काठमाडौं, पछिल्लो तीन दिनयता नेपाली बजारमा सुनको...

अटो दुर्घट्ना,एकको मृत्यु

समायोजन खबर खोटाङ खोटाङमा अटो दुर्घट्ना हुँदा एकजनाको ज्यान...

एकलौटी ढंगले बजेट वितरण गरेको भन्दै कांग्रेस सांसदको आपत्ती

चिसाङ शेर्पा खोटाङ, स्थानीय पुर्वाधार बिकास साझेदारी कार्यक्रमको बजेट...

स्थानीय पुर्वाधार बिकास साझेदारी कार्यक्रम : ३० योजनामा बजेट (विवरणसहित)

समायोजन खबर खोटाङ, स्थानीय पुर्वाधार बिकास साझेदारी कार्यक्रमको योजना...

मुख्य समाचार

गौरिका सिंहले जितिन् अर्को स्वर्ण

समायोजन खबर काठमाडौं, नेपाली पौडी खेलाडी गौरिका सिंहले अर्को...

गुल्मीमा १० वर्षीया वालिका बलात्कृत

समायोजन खबर गुल्मी, गुल्मीमा स्कुल हिडेकी वालिकालाई वलात्कर...

सुनको मूल्यमा लगातार गिरावट

समायोजन खबर काठमाडौं, पछिल्लो तीन दिनयता नेपाली बजारमा सुनको...

अटो दुर्घट्ना,एकको मृत्यु

समायोजन खबर खोटाङ खोटाङमा अटो दुर्घट्ना हुँदा एकजनाको ज्यान...

महोत्तरीमा लोडेड पेस्तोल सहित एक थान म्यागजिन बरामद

समायोजन खबर महोत्तरी, महोत्तरीमा एक थान लोडेड पेस्तोल...