समायोजन खबर खोटाङ,
जिल्लाको साकेला गाउँपालिका–४ मात्तिम मानेभञ्ज्याङमा ड्यु पिउदा मट्टीतेलको गन्ध पाइएको छ । स्थानीय एक पशलमा बिक्रीका लागि राखिएको जम्बो ड्युमा मट्टीतेलको गन्ध आएपछि उपयोग नै नगरी ड्यु फालिएको छ ।

साकेला गाउँपालिकाका कर्मचारी, ईलाका प्रहरी कार्यालय मात्तिमका प्रहरी, स्थानीय शिक्षक लगायतले पिउनका लागि किनेको २.२५ लिटरको जम्बो ड्युमा मट्टीतेलको गन्ध आएपछि फालिएको साकेला गाउँपालिकाका प्रमुख अर्जुन खड्काले बताए ।

गिलासमा खन्याइएको ड्यु पिउनेक्रममा मट्टीतेलको गन्ध आएपछि बोत्तलको मुखमा सुघ्दा समेत मट्टीतेलको गन्ध आएको थियो । मिसावटको शंका लागेपछि पशलमा गएर अन्य जम्बो ड्युको बोत्तल खोल्दा समेत उस्तै समस्या देखिएको गाउँपालिकाले जनाएको छ ।
२०७५ भदौ १० गते साँझ ७ : १७ मा प्रकाशित