चिसाङ शेर्पा खोटाङ,
खोटाङ्ग सेवा समाज युएईको प्रथम साँस्कृतिक धमाका २०१८ बृहत रुपमा हुने भएको छ । विभिन्न समस्यामा गुज्रिएका प्रवासी खोटाङगे र जिल्लामै समस्यामा झेलिएका खोटाङगेहरुको सहयोगका लागि साँस्कृतिक धमाका हुने भएको हो ।

आगामी अगष्ट २४ तारिख अर्थात भदौ ८ गते हुने धमाकामा नेपाली साँगीतिक आकाशका चर्चित गायक मेघास्टार राई इज किङ्ग राजेश पायल राई, युवा गायक जिबिहाङ्ग राई, मोडल तथा नृत्याङगना बर्षा थिङ लामाको साथमा दर्जनौं स्थानीय कलाकारहरुको साथमा धमाका हुने युएईबाट खोटाङका नारायण वस्नेतले जानकारी दिनुभयो । धमाका युएईस्थित अबुधाबीको मुसाफा केएम हाईपरमार्केटस्थित मलेयाली हलमा हुनेछ ।

कार्यक्रमकै दिन भाग्यशाली चिट्ठा उपहार कार्यक्रम पनि राखिएको संस्थाका अध्यक्ष हिमाल गुरुङले बताउनुभयो । कार्यक्रममा सहभागिताका लागि युएईका विभिन्न शहरबाट यातायातको सुविधा रहेको छ ।
२०७५ साउन २९ गते  राती ९ : ०३ मा प्रकाशित