चिसाङ शेर्पा खोटाङ,
खोटाङमा आठ दिनयता हराईरहेका एक बालक फेला परेको छ । दिक्तेल रुपाकोट मझुवागढी नगरपालिका–३ बाम्राङका १६ वर्षीय प्रदिप राई नाम गरेका बालक सोमबार फेला परेको हो ।

गएको साउन १४ गते घरमा आमाबुबा नभएको बेलामा छिमेकी साथीहरुलाई मावला जाने भनी घर छोडेर हिडेका कान्छा छोरा दिक्तेल रुपाकोट मझुवागढी नगरपालिका–५ लफ्याङ मझुवाफेदीमा फेला परको आमा चित्रकुमारी राईले जानकारी दिईन् ।

हराईरहेका वालक मझुवाफेदीस्थित सर्वधन राईको घरमा फेला परेको थियो । आफ्नो बाउ आमाको नाम भनेकाले वालकको परिवार पहिचान गर्न सजिलो भएकोे थियो । साउन २१ गते फेला परेका बालकलाई परिवारले हिजो घरमा लगेका हुन् । उनको स्वास्थ्य स्थिती सामान्य रहेको परिवारले जनाएको छ ।
२०७५ साउन २३ गते साँझ ७ : १० मा प्रकाशित