समायोजन खबर खोटाङ,
खोटाङको दिक्तेल रुपाकोट मझुवागढी नगरपालिका–३ बाम्राङ सामातुङका क्यान्सर पिडित बालकलाई यूएईमा रहेका शुभेच्छुकले आर्थिक सहयोग गरेका छन् । आँखाको क्यान्सर भएपछि लामो समयदेखि उपचार गराइरहेका ५ वर्षीय अंकित राईलाई खोटाङ समाज यूएईले आर्थिक सहयोग गरेको हो । आँखाको क्यान्सर भएपछि कान्तीबाल अस्पतालमा उपचार गराइरहेका अंकितलाई खोटाङ समाज यूएईले २९ हजार ५५० रुपैयाँ प्रदान गरेको हो ।

खोटाङ सेवा समाज युएईको प्रथम महिला उपाध्यक्ष भगवती चाम्लिङको संयोजकत्व र मिडिया संयोजक नारायण बस्नेतको सह–संयोजकत्वमा दुबाईमा आर्थिक संकलन गरिएको हो । संकलित रकम खोटाङ हलेसी सेवा समाज काठमाडौंका अध्यक्ष कर्णराज कटुवाल र खोटाङ सेवा समाज युएईका सदस्य टंक भट्टराईकी श्रीमती शान्ता दाहाल भट्टराईले कान्तीबाल अस्पताल महाराजगञ्ज पुगेर अंकितका बाबु बिदेश राईलाई हस्तान्तरण गर्नुभएको छ ।

क्याप्सन : आँखाका उपचार गराईरहेका बालकका परिवारलाई सहयोग रकम हस्तान्तरण गर्नुहुदै खोटाङ हलेसी सेवा समाज काठमाडौं,र खोटाङ सेवा समाज युएईका पदाधिकारीहरु, तस्विर समायोजन खबर२०७५ साउन २ गते साँझ ७ : २५ बजे प्रकाशित