चिसाङ शेर्पा असार/२३ खोटाङ,
दिक्तेल रुपाकोट मझुवागढी नगरपालिका दिक्तेलमा आदिवासी जनजातिका अगुवाहरुको क्षमता विकासका लागि तीन दिने ‘अन्तराष्ट्रिय श्रम संगठ्न (आइएलओ) १ सय ६९, संयुक्त राष्ट्रसंघको घोषणापत्र र नेतृत्व विकास’ तालिम हुने भएको छ ।

नेपाल आदिवासी जनजाति महासंघ जिल्ला समन्वय परिषद् दिक्तेलको आयोजनामा अहिले मध्यान्ह दिउँसो १२ बजेपछि दिक्तेल भवनगैरा जनसेवा समाजको तालिम हलमा सञ्चालन हुने तीन दिवशीय तालिमको नेपाल आदिवासी जनजाती महासंघका पुर्व महासचिव तथा प्राध्यापक डां. ओम गुरुङले सहजीकरण गर्नुहुने नेपाल आदिवासी जनजाति महासंघ जिल्ला समन्वय परिषद्का अध्यक्ष हात्तीराम राईले जानकारी दिनुभयो ।

तालिममा नगरपालिका भित्रका १५ वडाका २/२ जना र नेपाल आदिवासी जनजाति महासंघ जिल्ला समन्वय परिषदका भातृ संगठनहरुको पदाधिकारी सहित ५० जनाको सहभागितामा रहने अध्यक्ष राईले बताउनुुभयो ।
२०७५ असार २३ गते बिहान ८ : १५ मा प्रकाशित