समायोजन खबर असार/१५ खोटाङ,
करेन्ट लाग्दा खोटाङमा अपरेटरको ज्यान गएको छ । करेन्ट लाग्दा ऐसेलुखर्क गाउँपालिका–१ राखाबांदेलस्थित नावालिदिङ खोला लघुजलबिद्युत आयोजनाको अपरेटरकारुपमा कार्यरत गणेश जोगीको ज्यान गएको हो ।

ट्रान्सफर्मरमा चढेर बिद्युत मर्मत गर्नेक्रममा अपरेटर जोगीलाई करेन्ट लागेको अनुमान गरिएको ऐसेलुखर्क गाउँपालिकाका प्रमुख बिश्वनाथ निरौलाले बताउनुभयो । विद्यालय जाँदै गरेका छात्र/छात्राले ट्रान्सफर्मर नजिकै जोगीको शव भेटेर स्थानीयलाई खबर गरेका थिए । जोगीको शव पोष्टमार्टमका लागि प्राथमिक स्वास्थ्य केन्द्र ऐसेलुखर्कमा ल्याइएको छ ।
२०७५ असार १५ दिउँसो १२ : ४० मा प्रकाशित