चिसाङ शेर्पा असार/७ खोटाङ,
खोटाङको याम्खामा बिजुली बत्ती बलेको छ । दिपु्रङ चुइचुम्मा गाउँपालिका–१ याम्खाको साविक वडा नं. ५ स्थित रिखुवाटोलमा गत मंगलबारदेखी केन्द्रिय प्रशारण लाइनको बिजुली बत्ती बल्न थालेको हो ।

याम्खाको साविकका वडाहरु ७ र ८ का सबै ठाउँमा बत्ती बाल्नका लागि गाउँपालिकाको २५ लाख लगानीको रकमबाट रिखुवाटोलका ३० घरधुरीमा बत्ती बलेको गाउँपालिका प्रमुख भुपेन्द्र राइले जानकारी दिनुभयो । सोही रकमबाट चाडैं पोखरे जामुनेमा बत्ती बाल्ने योजना रहेको उहाँको भनाइ छ । बत्ती बाल्नका लागि स्थानियहरुले हाउस वायरिङ गरीसकेको छ ।

२५ लाखबाटै रिखुवा टोल, पोखरे जामुनेमा बत्ती बालेर याम्खाकै साविक वडा नं.७ खमारेमा बत्ती बाल्ने गाउँपालिकाको योजना छ । त्यसका लागि दुइवटा टोलमा बत्ती बालि सकेर बाँकी रकम र नयाँ आर्थिक वर्षबाट बजेट बिनियोजन गर्ने गाउँपालिकाले जनाएको छ । खमारेमा समेत बत्ती बलेपछि याम्खाको साविक वडा नं. ५ र ८ का लिलिमा र खामडाडाँमा बत्ती बल्न बाँकी रहनेछ ।

गाउँपालिकाको डाडागाउँ, छोरम्बुमा सबै ठाउँमा बत्ती बलिसकेको छ । टेम्माको सय घरधुरी र बतासेका अधिकांश स्थानमा बत्ती बल्न बाँकी छ । स–छितापोखरीको छितापोखरीमा मात्रै बत्ती बलेको छ । त्यस वडाको भने सामुदायिक विधुतीकरणले जिम्मा लिएको छ ।
                                                           २०७५ असार ७ दिउँसो ३ : ०० मा प्रकाशित