चिसाङ शेर्पा जेठ/३० खोटाङ,
दिप्रुङ चुइचुम्मा गाउँपालिकाको भवन निर्माणको काम ६० प्रतिशत सकिएको छ । गाउँपालिका–५ स–छितापोखरीस्थित याङसोलाटारमा महिना दिन अघि निर्माण थालिएको सुविधायुक्त भवनको काम तीब्र रुपमा अगाडी बढेको हो ।

याङसोलाटारका स्थानियवासीले निःशुल्क उपलब्ध गराएको जग्गामा गाउँपालिकाले ६० लाख बजेटमा आफ्नै भवन बनाएको हो । निकट समयमा निर्माण सम्पन्न हुने भवनमा ९ वटा कोठा, १ वटा मिटिङ हल र ४ वटा शौचालय बाथरुम बन्ने इन्जिनियर देवेन्द्र आचार्यले जानकारी दिए ।

तीन कन्य प्रावि विद्धालयको दुइ कोठे भवनमा कार्यालयगत कामकाज गरिरहेको गाउँपालिका स्थानिय सरकारको हकमा आफ्नै भवनमा सर्ने पहिलो गाउँपालिका हुने गाउँपालिका प्रमुख भुपेन्द्र राईले बताए । दुइ नगरपालिका आठ गाउँपालिका रहेको खोटाङका अन्य नगरपालिका र गाउँपालिकाको कार्यालय भाडाको घरमा बस्दै आइरहेको छ ।
                                                                        २०७५ जेठ ३० गते साँझ ६ :१० मा प्रकाशित