चिसाङ शेर्पा जेठ/१५ खोटाङ,
खोटाङको खार्मीमा निःशुल्क अपाङ्गता कार्ड वितरण तथा रक्त परिक्षण शिविर  हुने भएको छ । दिक्तेल रुपाकोट मझुवागढी नगरपालिका–११ खार्मीस्थित कालिका माविको प्राङगणमा बुधबार शिविर हुने भएको हो ।

नगरपालिका र वडा कार्यालयको आयोजनामा वडाभित्रका करीव ८० जनालाई अपाङ्गता कार्ड र करीव ३ सय जना विधार्थी तथा अभिभावकको रक्त पहिचान गरिने छ ।

अपाङ्गता कार्ड वितरणका लागि महिला तथा वालवालिका कार्यालय दिक्तेलका प्रमुख भुवन राई र रक्त पहिचान र अपाङ्गता पहिचानका लागि जिल्ला अस्पतालका डाक्टर राम बहादुर केसी खार्मी जानुहुने वडाध्यक्ष रामचन्द्र राईले जानकारी दिनुभयो ।
                                                            २०७५ जेठ १४ गते विहान ८ः०५ बजे प्रकाशित