चिसाङ शेर्पा बैशाख/२७ खोटाङ,
हराईरहेका बालबालिका मध्ये एकजना बालक मृत फेला परेको छ । गत बैशाख २२ गतेदेखी हराईरहेका बराहपोखरी गाउँपालिका–२ सुन्तले धाप्लाङका धन नारायण श्रेष्ठको १२ बर्षीय छोरा सुजन श्रेष्ठ मृत अवस्थामा फेला परेका हुन् ।

बाख्रा चराउन जाँदा गएको शनिबार १२ बजेदेखी सामूहिक रुपमा सुनकोशी नदी आसपासमा बेपत्ता भएका तीनजना बालबालिका मध्ये मृतक बालक श्रेष्ठलाई सोमबार सुनकोशी बगरमा स्थानीयले साँझ ५ बजे मृत फेला पारेको जिल्ला प्रहरी कार्यालय दिक्तेलका प्रहरी नायब उपरिक्षक लोकदर्शन थापाले जनाए ।

धन नारायण श्रेष्ठकै सालिको छोरा १० वर्षीय सविन माझी र धु्रब माझीको ११ वर्षीय छोरी अनिता माझीको खोजी कार्य जारी छ । बेपत्ता बालिका र बालकको इलाका प्रहरी कार्यालय चिसापानीका प्रहरी, स्थानिय तथा आफन्तले खोजी गरीरहेको छ । हराईरहेका दुईजना नदीमा डुबेको हुन सक्ने अनुमान रहेको छ ।