समायोजन खबर बैशाख/१७ खोटाङ,
नेपाल पत्रकार महासंघ १ नम्बर प्रदेश समितिका उम्मेद्वारले खोटाङका पत्रकारसँग भेटघाट गरेको छ । आगामी बैसाख २२ गते हुने पत्रकार महासंघको प्रदेश समितिको निर्वाचनको पुर्वतयारीमा प्रेस चौतारी, प्रेस यूनियन र प्रेस सेन्टरका साझा उम्मेद्वारले सोमबार जिल्लाका पत्रकारसँग भेटघाट गरेको हो ।

होटल श्रेष्ठमा भएको भेटघाट कार्यक्रममा प्रदेश समितिका अध्यक्षका उम्मेद्वार बिक्रम लुईटेल, उपाध्यक्षका उम्मेद्वार स्मीता निरौला र महासचिवका उम्मेद्वार बिबेक गौतमले पत्रकारको हकहितमा काम गर्ने बताएका छन् । कार्यक्रममा खोटाङका पत्रकारकातर्फबाट बरिष्ठ पत्रकार कृष्ण आचार्यले सम्बोधन गरेका थिए । कार्यक्रम प्रेस चौतारीका जिल्ला अध्यक्ष हरिबोल आचार्यको सभापतित्वमा भएको थियो ।