चिसाङ शेर्पा बैशाख/८ खोटाङ,
पत्रकार महासंघ खोटाङ शाखाका अध्यक्ष दमन राई पुरस्कृत भएका छन् । दिक्तेल रुपाकोट मझुवागढी नगरपालिका–२ दिक्तेल ‘सोल्मा स्पोर्टस क्लब’ सोल्माले ‘खेलकुद पत्रकारिता पुरस्कार’ ५ हजार ५५५ रुपैयाँ नगद पुरस्कारले पत्रकार राईलाई सम्मान गरेको हो ।

गएको बैशाख ४ गतेदेखी ८ गतेसम्म सञ्चालन भएको दोश्रो नगरकप पुरुष फुटबल प्रतियोगिताको समापनका दिन शनिवार पत्रकारिताको माध्यमबाट खेल क्षेत्रको प्रचारप्रसार तथा विकास गराउनमा अहम भूमिका निर्वाह गरेको भन्दै ‘सोल्मा स्पोर्टस क्लबका अध्यक्ष धु्रव बिक्रम राईले नगद राशी र सम्मानपत्र सहित सम्मान गरेका थिए । पत्रकार राई नागरिक दैनिकका खोटाङ संवाददाता हुन् ।