सरिता राई वैशाख ४ भोजपुर,
भोजपुरमा पटक–पटक विद्युत अवरुद्ध हुँदा यहाँका सर्वसाधारण मारमा परेका छन् । विद्युत अवरुद्ध हुदाँ जिल्लामा सञ्चालित सञ्चार माध्यम, वित्तिय संस्थाहरु सबैभन्दा बढी प्रभावित भएको हो ।

लगातारको हावाहुरीका कारण पोलमा समस्या देखिएकाले मर्मतको काम भईरहेको विद्युत प्राधिकरण शाखा कार्यलय भोजपुरका कर्मचारी काजीमान तामाङ्गले जानकारी दिनुभयो । विद्युत अवरुद्ध हुँदा सरकारी तथा गैह्रसरकारी कार्यालयको कामकाज समेत प्रभावित भइरहेको छ । सर्वसाधारणले भने फोटोकपी, प्रिन्ट, मोबाइल चार्ज लगायतका कार्य महंगो मुल्यमा गर्न बाध्य भएका छन् । विद्युत पटक–पटक अवरुद्ध हुदाँ सर्वसाधारण आक्रोशित भएका छन् ।

यता, खोटाङमा पनि वारम्वार विधुत अवरुद्ध हुंदा यसका ग्राहकहरु मर्कामा पर्ने गरेका छन् । सानोतिनो हावाहुरी चल्ने वितिक्कै विधुत अवरोध हुने समस्याले जिल्लामा रहेका छापा तथा विधुतीय सञ्चार माध्यम वढी प्रभावित हुने गरेको छ ।

सरकारी, गैर सरकारी कार्यालयको कामकाजमा ढिलाई तथा महंगो शुल्कमा कामकाज गर्नु पर्ने समस्या छ । विधुत कार्यालयले भने, जंगलको वाटो हुंदै लामो रुटबाट विधुत ल्याईएकाले यस्तो समस्या हुने गरेको वताउदै आएका छन् ।

                             माथी फोटो, खोटाङको बुईपामा रहेको विधुतको सव स्टेशन, फोटो चिसाङ शेर्पा