समायेाजन खबर बैशाख/४ खोटाङ,
घरमा लागेको आगोमा परेर खोटाङमा एक वालकको ज्यान गएको छ । सोमबार विहान घरमा लागेको आगोमा परेर दिप्रुङ–चुईचुम्मा गाउँपालिका वडा नं–४ बतासेका शेरबहादुर राईको तीन वर्षिय छोरा हिटलर राईको ज्यान गएको हो ।

आगोमा परेर गम्भिर घाईते भएका राईलाई उपचारको लागि धरानतर्फ लैजादै गर्दा उदयपुरको पोखरी भन्ने ठाँउमा पुग्दा बाटैमा ज्यान गएको दिप्रुङ–चुईचुम्मा गाउँपालिका प्रमुख भूपेन्द्र राईले जानकारी दिनुभयो ।

घरमा कोही नभएको वेला मृतक वालकले लाईटर चलाउँनेक्रममा अचानक आगो लागेको जानकारी आएको जिल्ला प्रहरी कार्यालय खोटाङका प्रहरी निरिक्षक चन्द्रभूषण यादवलले जानकारी दिए । आगलागीमा मतान, काठपात र केही भाडाकुडा जल्दा २ लाखको क्षति भएको प्रहरीले जनाएको छ । मतानको माथिल्लो तल्लामा मान्छे बस्ने गरेकाले आगलागीमा वालक परेको हो ।