चिसाङ शेर्पा बैशाख/२ खोटाङ,
नेपाल आदिवासी जनजाती महासंघ हलेसी तुवाचुङ नगरपालिका तर्दथ समन्वय परिषद पुर्नगठन गरिएको छ । नववर्षको उपलक्ष्यमा शनिवार यन कुमार तिलुङ राईको नेतृत्वमा ४ पदिय कार्य समिति गठन गरिएको हो ।

कार्यसमिति गठन पश्चात पहिलो वैठकले नेवार, माझी, लिम्बु, गुरुङ र शेर्पा समुदायलाई प्रतिनिधित्व गर्नेगरी नयाँ समितिलाई आधिकारीक जिम्मेवारी दिईएको छ । नगरपालिकाभित्र राईहरुको भाषिक ९ वटामा प्रत्येक राई समुदायबाट पदेन सल्लाहकार मनोनयन गर्ने निर्णय समेत भएको नेपाल आदिबासी जनजाती महासंघ जिल्ला समितिका अध्यक्ष हात्तीराम राईले बताए ।

गठित कार्य समितिलाई नगरको तर्फवाट आवाश्यक सवै खाले सहयोग रहने मेयर इबन राई तथा उपमेयर बिमला राईले प्रतिबद्धता जनाएका छन् । कार्यक्रममा हलेसी तुवाचुङ नगरपालिकाका मेयर, उपमेयर, नेपाल आदिबासी जनजाती महासंघ जिल्ला समितिका अध्यक्ष, सह सचिव एलबी मगर, सदस्य उदीम चाम्लिङ, नेपाली कांग्रेस जिल्ला सदस्य चक्र कुमार राई, उपप्राध्यापक तम्बर राई, जातिय समुदायको तर्फवाट जुद्ध पुलामी मगर लगायतको उपस्थिती रहेको थियो ।