समायोजन खबर चैत/२९ खोटाङ,

खोटाङको हलेसी तुवाचुङ नगरपालिकाले महिला स्वास्थ्य स्वयंसेबिकालाई प्रोत्साहन भत्ता वितरण गरेको छ । नगर कार्यापालिकाको निर्णय अनुशार ११ वडाका १२८ महिला स्वास्थ्य स्वयंसेबिकालाई मासिक एक हजारका दरले ६ महिनाको प्रोत्साहन भत्ता वितरण गरेको हो ।

महिला स्वास्थ्य स्वयंसेबिकाको श्रमलाई मध्यनजर गर्दै छुट्टै बजेट व्यवस्था गरेर साउनदेखि पुससम्मको प्रोत्साहन भत्ता प्रदान गरिएको हलेसी तुवाचुङ नगरपालिकाका प्रमुख प्रशासकीय अधिकृत अनिल किरातीले बताउनुभयो । नगरपालिकाले नगरमा कार्यरत महिला स्वास्थ्य स्वयंसेबिकाका लागि पहिलोपल्ट प्रोत्साहन भत्ता कार्यान्वयनमा ल्याएको जनाएको छ ।