समायोजन खबर  चैत /२८खोटाङ,
खोटाङको पुर्वी जुरेथुम्का सामुदायीक बनमा लागेको डढेलो वर्षाले निभेको छ । दिक्तेल रुपाकोट मझुवागढी नगरपालिका–१५ बिजयखर्कस्थित पुर्वी जुरेथुम्का सामुदायीक बनमा शनिबार बिहान सुरु भएको भिषण डढेलो मंगलबार साँझ परेको वर्षाले निभाएको हो ।

जिल्लाकै दोश्रो ठूलो मानिएको सामुदायीक बनको पुर्वी जुरेथुम्काबाट सुरु भएको भीषण डढेलो नियन्त्रणमा लिने प्रयास विफल भएपछि क्रमशः पश्चिम जुरेथुम्कातर्फ फैलिँदै गएको थियो । शनिबार दिनभर स्थानीयले निभाउने प्रयास गर्दा नसकेपछि छाडिएको डढेलो वर्षाले निभाएको वडाध्यक्ष बिरेन्द्र ढकालले बताउनुभयो ।