चिसाङ शेर्पा चैत्र/२२ खोटाङ,
खोटाङमा चट्याङ लागेर दुई जनाको मृत्यु भएको छ । बुधवार अपरान्ह हावाहुरी र पानि सहित परेको चट्याङले दिक्तेल रुपाकोट मझुवागढी नगरपालिका–२ दिक्तेल सोल्माका स्थानिय सम्बर बहादुर दाहालको मृत्यु भएको हो । घरैमा रहेका ६२ वर्षिय दाहाललाई चट्याङ लागे वितिक्कै जिल्ला अस्पताल दिक्तेलमा उपचार गराउने क्रममा साँझ ५:१५ ज्यान गएको हो ।

यस्तै, साकेला गाउँपालिका–२ रतन्छाका ५५ वर्षिय वालकुमारी खत्रीको चट्याङकै कारण ज्यान गएको छ । घरमै वसिरहेको वेलामा चट्याङ लाग्दा खत्रीको ज्यान गएको हो । खत्रीको श्रीमान प्रेम बहादुर खत्री सामान्य घाईते भएको जिल्ला प्रहरी कार्यालय खोटाङका प्रहरी नायव उपरिक्षक लोकदर्शन थापाले जानकारी दिए । घाईतेको स्थानिय स्वास्थ्य चौकीमा उपचार भईरहेको छ ।