चिसाङ शेर्पा चैत्र/१७ खोटाङ,
दिक्तेल अस्पतालचोक–खानीडाडाँ–आहाले रुटमा पर्ने रेडक्रस कार्यालय–जिल्ला अदालत हुदै भानुचोक निस्कने सडक अलपत्र बनेको छ । अस्पताल चोकदेखी नेपाल टेलिकम निस्कने सडक निर्माण भएको एघार बर्ष गुज्रदासमेत स्तरोन्नती तथा कालोपत्रेको काम नहुंदा अलपत्र बनेको हो ।

२०६२/०६३ सालमा तत्कालिन जिल्ला बिकास समितिको २५ लाख लागतमा ट्रयाक खोलिएको सडकमा जिल्लामा कसैले गहिरीएर चासो नदिंदा ठूलाठूला खाल्डाखुल्डी बनेर मान्छे डुब्ने बनेको हो । अत्याधिक ओरालो सडकमा बर्षेनी पानी बग्दा सडक भिर बन्दै गएको छ । सडकको नमुना हराउन थालको छ ।

अस्पतालचोक–रेडक्रस–खाल्ले आहालेसम्मको १० किलोमिटर ट्रयाक खोलिएको सडकमा सडकले धान्ने भारभन्दा ज्यादा भारमा ट्याक्टर गुडाउँदा सडक खोलाजस्तो बनेको छ । टायरले खोल्ने, बर्षातमा उचित पानी तथा नालीको ब्यवस्था नहुंदा हाल मोटरसाईकल समेत गुडाउन नसकिने अवस्था बनेको दिक्तेल रुपाकोट मझुवागढी नगरपालिका–७ चिउरीडाडाँका पबन राईले बताए । जर्बजस्ती ट्याक्टर गुडाउँदा सडक भग्नावशेष बन्न लागेको छ । उहाँले भन्नुभयो, “तत्काल मर्मत नभए खहरे खोला बन्ने निश्चित छ ।”

लफ्याङ, खाल्ले, हाँटडाडाँ, बाम्राङ, त्रिबेणीचोक,अम्बागाछी–त्रिबेणीचोक हुंदै एम्बुलेन्सको माध्यमद्धारा बिरामी जिल्ला अस्पताल लैजान, ल्याउन सहज तथा छोटोदुरीको सडक रेडक्रस ओरालोमा गाईबस्तु हिड्न नसक्ने भएको छ । ‘उल्लेखित स्थानका बिरामीलाई एम्बुलेन्स भएता पनि स्ट्रेचरमा बोकेर अस्पताल लानुपर्ने अवस्था रहेको छ ।

भुकम्प पुनः निर्माण प्राधिकरणबाट डेढवर्ष अघि डिपिआर तयार भई १६ करोड रकम विनियोजन भईसकेको र टेण्डर आव्हान हुन बाँकी रहेकोे दिक्तेल रुपाकोट मझुवागढी नगरपालिकाका मेयर दिपनारायण रिजालले जानकारी दिनुभयो । थोरै पैसाले नहुने तथा सडक अप्ठ्यारो भएकाले हामीले सामान्य मर्मत ग¥र्यौ उहाँले भन्नुभयो “ठूलो योजना परेका हुनाले योजना कार्यान्वयन लागि पर्खिरहेका छौ ।”

सडक अत्यन्तै अप्ठ्यारो भएको जिल्ला समन्यव समिति संयोजक बबि चाम्लिङले बताउनुभयो । मैले स्वयंम हेरेको छु उहाँले भन्नुभयो, “औपचारिक रुपमा अनुगमन गरेको छैन ।”