चिसाङ शेर्पा चैत्र/१७ खोटाङ,
नयाँ वर्षको अवसरमा नुनथलामा जिल्लाब्यापी साकेला सिली तथा लोक नृत्य प्रतियोगिता गरिने भएको छ । पुरानो वर्षको बिदाई नयाँ वर्ष २०७५ सालको स्वागत गर्दै रुपाकोट मझुवागढी नगरपालिका–१३ नुनथलामा ‘नुनथला युवा सेवा समाज नेपाल’ द्धारा खुल्ला साकेला सिली र खुल्ला सामुहिक लोक नृत्य प्रतियोगिता गर्न लागिएको हो ।

आगामी बैशाख १ गते जालपा माविको प्राङगण नुनथलामा सञ्चालन हुने प्रतियोगितामा जिल्लाभरीका शौखिन टिमले सहभागिता जनाउँन सक्नेछन् । खुल्ला साकेला सिलीका लागि संस्थाको आधिकारिक पत्र, समुहमा १० जना र वढिमा १५ मिनेट साकेला सिली नाँच प्रस्तुत गर्नुपर्ने आयोजक नुनथला युवा सेवा समाजले जनाएको छ ।

साकेला सिलीका प्रथम टिमले २० हजार, दोश्रोले १५ हजार, तेश्रोले १० हजार र सान्त्वना टिमले नगद ५ हजारका साथमा प्रमाणपत्र पाउँनेछन् । खुल्ला सामुहिक लोक नृत्य प्रतियोगिताका पहिलो टिम समुहले ५ हजार, दितीयले ४ हजार, तृतियले ३ हजार र सान्त्वना समुहले रु २ हजार नगद पाउने समाजका सचिव जयन राईले जानकारी दिए ।