समायोजन खबर  चैत /१४ खोटाङ,
खोटेहाङ गाउँपालिकाको आर्थिक सहयोगमा हलेसी न्यूज नेटवर्कको आयोजनामा चार दिने आधारभुत पत्रकारिता तालिम सुरु भएको छ । खोटाङको खोटेहाङ गाउँपालिकामा बुधबारबाट तालिम सुरु भएको हो ।

स्थानीय सरकारको हरेक गतिविधि तथा प्रत्येक बिकास निर्माणका कामलाई पारदर्शीरुपमा सञ्चालन गर्दै गाउँपालिकाको संबृद्धिका लागि आधारभुत पत्रकारिता तालिमको आयोजना गरिएको गाउँपालिका प्रमुख प्रदीप राईले बताए । गाउँपालिकाका ९ वटै वडामा पत्रकार उत्पादन गर्ने लक्ष्यका साथ तालिम आयोजना गरिएको हो ।

गाउँपालिकाका विभिन्न सञ्चार माध्यम सञ्चालन गर्ने जनशक्ती तयार पार्नका लागि समेत तालिम लक्ष्यीत छ । गाउँपालिकाको सभाहलमा आयोजना गरिएको तालिममा गाउँपालिकाका २६ जनाको सहभागीता रहेको आयोजक हलेसी न्यूज नेटवर्कका अध्यक्ष हरिबोल आचार्यले बताए । तालिम गाउँपालिका प्रमुख राईले सोही तालिम सम्बन्धी समाचार बाचन गरेर उद्घाटन गरेका हुन् ।