समायोजन खबर चैत्र/३ खोटाङ,
नगरपालिकाको ११ वडामध्ये बिहिबार हलेसी तुवाचुङ नगरपालिका–९ सल्लेमा बर्थिङ सेन्टर स्थापना गरिएसँगै हलेसी तुवाचुङ नगरपालिकामा एक वडा एक बर्थिङ सेन्टर कायम भएको छ ।

गर्भवती महिलाई सुत्केरी गराउनका लागि जिल्ला अस्पताल अथवा जिल्ला बाहिरका अस्पतालमा जानुपर्ने बाध्यता अन्त्यका लागि थालिएको अभियानकाक्रममा नगरपालिकाका सबै वडामा बर्थिङ सेन्टर स्थापना भएको स्वास्थ्य संयोजक रामकुमार भगतले बताउनुभयो ।

खोटाङ र प्रदेश नम्बर १ मै हलेसी तुवाचुङ नगरपालिका सबै वडामा बर्थिङ सेन्टर स्थापना गर्ने पहिलो स्थानीय तह बनेको दाबी गरिएको छ । स्वास्थ्यचौकीमा सुत्केरी गराउने तालिम प्राप्त स्वास्थ्यकर्मी, आवश्यक उपकरणको व्यवस्था, औषधि, कोठा लगायतको व्यवस्था गरेर हरेक वडामा बर्थिङ सेन्टर स्थापना गरिएको मेयर ईवन राईले बताउनुभयो ।