समायोजन खबर चैत्र /१ खोटाङ,

हलेसी तुवाचुङ नगरपालिकाका पाठेघर खसेका ५४ महिलाको शरीरमा रिङ प्रेसरी राखिएको छ । पाँच दिने स्वास्थ्य घुम्ती शिबिरकाक्रममा दुर्छिम, मंगलटार, बाहुनीडाँडा, धितुङ र राजापानीका ५४ महिलाको शरीरमा रिङ प्रेसरी र ३३ जनाको शरीरमा ईम्प्लान्ट राखिएको नगरका स्वास्थ्य संयोजक रामकुमार भगतले बताउनुभयो ।

पाँच वडामा एक÷एक दिन सञ्चालन गरिएको घुम्ती स्वास्थ्य शिबिरका माध्यमबाट ५६२ महिला र १९५ पुरुषले गाउँमै स्वास्थ्य सेवा पाएको नगरपालिकाले जनाएको छ । महिलाको रिङ प्रेसरी राख्ने, स्क्यानिङ गर्ने, सेतो पानी बग्ने समस्या भएका महिलालाई लक्ष्यीत गर्दै स्वास्थ्य शिबिर सञ्चालन गरिएको हलेसी तुवाचुङ नगरपालिकाका मेयर इवन राईले बताउनुभयो ।