समायोजन खबर फागुन /२८ खोटाङ,
खोटाङको हलेसी तुवाचुङ नगरपालिका–१ बाहुनीडाँडाका पाठेघर खसेका १७ महिलाको शरीरमा रिङ प्रेसरी राखिएको छ । पाठेघर खसेका महिलाको स्वास्थ्य उपचारका लागि नगरपालिकाले सोमबार आयोजना गरेको घुम्ती स्वास्थ्य शिबिरमा आएका महिलाको शरीरमा रिङ प्रेसरी राखिएको हो । शिबिरमा ७ जनाले इम्प्लान्ट राखेका छन् । ७६ जनाको सामान्य उपचार गरिएको नगरका स्वास्थ्य संयोजक रामकुमार भगतले बताउनुभयो ।

पाठेघरको समस्याका कारण पीडा खेपीरहेका महिलाको स्वास्थ्य उपचारका लागि नगरपालिकाले शनिबार हलेसी तुवाचुङ नगरपालिका–५ दुर्छिमबाट घुम्ती स्वास्थ्य शिबिर सुरु गरेको हो । हलेसी तुवाचुङ नगरपालिका–६ मंगलटार, हलेसी तुवाचुङ नगरपालिका–८ धितुङ हुँदै हलेसी तुवाचुङ नगरपालिका–११ राजापानीमा पुगेर फागुन ३० गते घुम्ती स्वास्थ्य शिबिर सम्पन्न हुने मेयर इवन राईले बताउनुभयो ।