चिसाङ शेर्पा फागुन/२४ खोटाङ,
भोजपुरमा एक बालक पाँचदिन देखी बेपत्ता भएका छन् । आमचोक गाउँपालिका–२ युँ का १२ बर्षिय आङफुर्वा शेर्पा नाम गरेको बालक गत आईतबारदेखी बेपत्ता भएका हुन् ।

सरस्वती मावि बिद्धालय भोजुरको पोशाकसहित घरमा थाहै नदिई हराएको बालक युँ नजिकै रहेको दाप्राङबजार हुंदै खोटाङतिर हिडेको स्थानियलाई उद्धृत गर्दै हराएका बालकको मामा पेमा शेर्पाले बताए ।

४ फिट उचाई, कपाल बु्रस कटिङ गरेको बालकले घरमा समेत थाहै नदिई हिडेको आमा बिमला शेर्पाले जानकारी दिनुभयो । उनका अनुसार बालक खोटाङको दिक्तेल रुपाकोट मझुवागढी नगरपालिका–१३ नुनथलामा रहेको मामाघर हिडेको आशंका भएपनि मामाघरमा नपुगेको तथा सम्पर्कबिहीन भएको बताउनुभयो ।