चिसाङ शेर्पा फागुन/२२ खोटाङ,
खोटाङमा चट्याङ, हावाहुरी चल्ने बितिक्कै बिजुली बत्ती जाने समस्या शुरु भएकोे छ । २०५७ सालबाट बितरण भएको राष्ट्रिय बिधुत प्रसारण लाईन थोरै मौसम बिग्रदासमेत जाने समस्याले यसका उपभोक्ताहरु मर्कामा पर्ने गरेका छन् ।

नेपाल बिधुत प्राधिकरण शाखा दिक्तेलका सुपरभाईजर उमेश कुमार महत्तोका अनुसार चट्याङको समयमा ट्रान्सफर्मर, फ्युजको सुरक्षा लागि बिजुली कटाइने गरिन्छ । मुख्य त ठूलो धनजनको क्षति हुनबाट बचाउनको लागि चट्याङको समयमा बिजुली कटाईने चलन छ । उनले भने, ‘कारणबस हावाहुरी, चट्याङको समयमा बिजुली नकट्दा धनजनको क्षति हुने गरेको छ ।’

दुई नगरपालिका आठ गाउँपालिका रहेको खोटाङमा बिधुतको ११ हजार ५ सय घरधुरी ग्राहक रहेका छन् । तत्कालिन ३९ गाविसहरुमा केन्द्रिय बिधुत प्रवाह भईरहेको छ ।