चिसाङ शेर्पा फागुन/१६ खोटाङ,
खोटाङको एक नगरपालिकाको नाम तथा अर्को एक गाउँपालिकाको नाम र गाउँपालिकाको केन्द्र परिबर्तन भएको छ ।
फागुन १४ गतेको नेपाल राजपत्र अनुसार रुपाकोट मझुवागढी नगरपालिकालाई नाम परिबर्तन गरी दिक्तेल रुपाकोट मझुवागढी नगरपालिका र दिप्रङ गाउँपालिकालाइ दिप्रङ चुईचुम्मा गाउँपालिका नामाकरण गरिएको हो ।

दिक्तेल रुपाकोट मझुवागढी नगरपालिकाको केन्द्र भने यथावत रहेको छ । दिप्रङ चुईचुम्मा गाउँपालिकाको केन्द्र याङसोलाटार कायम भएको छ । नाम परिबर्तन भएको खुशियालीमा दिक्तेलमा भने, केही ब्यक्तिहरुले बुधबार साँझ दिप प्रज्वलन समेत गरेका थिए ।