समायोजन खबर  फागुन/५ खोटाङ,
खोटाङको दक्षिणी क्षेत्रमा लामो समयदेखि चितुवा आतंक बढेको छ । चितुवा आतंक बढेसंगै स्थानीयवासी त्रसित बनेका छन् । जन्तेढुंगा गाउँपालिका–४ डम्बर्खुशिवालयमा चितुवा आतंक बढेको स्थानीयवासीले जानकारी गराएका छन् ।

चितुवाले डम्बर्खुशिवालयस्थित कात्तिकेका स्थानीय गणेश चौलागाँईको गएराती खसी मारेकोे छ । जोडी चितुवा रहेको र खसीवााख्रा कराएपछि खोरमा हेर्न जाँदा खसीबाख्रा मार्दै गरेको अवस्थामा भेटेको चौलागाँईको बताए । चौलागाँईले भने, “वल्ल तल्ल कराएर स्थानीय भेला भएपछि चितुवालाई भगाउँन सफल भयौं ।

महिनादिन हराएको चितुवाले स्थानीयका खशीवाख्रा दैनिक खान थालेपछि त्यस क्षेत्रका स्थानीयवासी आतकित ंबनेका छन् । करिव महिना दिन अघि डम्बर्खुशिवालयका स्थानीय केदार रोईलाको ५ वटा, रत्न बहादुर राई र मान बहादुर रोईलाको खसी वाख्रा खाएको थियो । वाख्राको खोर भत्काएर राईको सातवटा खशीवाख्रा मारेको थियो ।

चितुवा जंगलबाट गाउँघरमा आएर साँझ परेपछि ठुलो आवाज गरेर कराउँने तथा खोर भत्काएर दैनिक खसीवाख्रा मार्ने गरेका कारण त्यस क्षेत्रका स्थानीय त्रसित बनेका छन् । चितुवाले एक्लै अवस्थामा मानिसलाई भेटे आक्रमणको प्रयास गर्ने तथा लखेट्ने गरेको स्थानीयको भनाई छ ।

स्थानीयका अनुसार पाटैपाटा परेको ठुलो खालको चितुवा देखिएको छ । २ वटा चितुवा रहेको र संगै हिडने तथा विहान घाम झुल्कीनसाथ जंगलका डाँडामा संगै जुद्दै घाम ताप्न निस्कने गरेको छ । चितुवा आतंकले ‘वालबच्चा जोगाउँनलाई समस्या भएको स्थानिय बताउँछन् । ‘चारै तिर जंगल छ, विद्यालय जाँदाआउँदा आक्रमण गर्लाकी भन्ने डर भईरहन्छ ।’ स्थानियको भनाई छ ।