समायोजन खवर पौष/६ खोटाङ,

खोटाङको केपीलासगढी गाउँपालिका–४ बाक्सिलाको ब्यापारिक केन्द्र बुद्धबजारमा आगलागी हुँदा हाटका दिन उपयोग हुँदै आएको दर्जनौं टहरा नष्ट भएको छ । बुधबार राती भएको आगलागीमा हप्ताको बुधबार हाटका दिन व्यवसायीले प्रयोग गर्दै आएको १० भन्दा बढि टहरा जलेको जिल्ला प्रहरी कार्यालय खोटाङका डिएसपी लोकदर्शन थापाले बताउनुभयो ।

राती २ बजे आगलागीको विषयमा थाहा भएपछि स्थानीय र प्रहरीले आगो नियन्त्रणमा लिएका छन् । बजारकैबीचमा रहेको टहरामा लागेको आगो बेलैमा निभाइएका कारण ठूलो क्षती हुनबाट जोगाइएको केपीलासगढी गाउँपालिकाका प्रमुख कृष्ण राईले बताउनुभयो । आगलागीका कारण खुल्न सकेको छैन । गाउँपालिका प्रमुखकै घर अगाडिबाट आगो सुरु भएको पाइएकाले घट्नालाई स्थानीयले शंकास्पद मानेको छ ।

पहिलेको बुद्धबजार बाक्सिला