समायोजन खवर मंसिर ४ खोटाङ,

खोटाङको रुपाकोट मझुवागढी नगरपालिका–६ नेर्पाका राजकुमार राईको खुकुरी प्रहारबाट ४२ वर्षीया राजमायाँ राईको ज्यान गएको छ । घरायसी विबादकाक्रममा श्रीमानको खुकुरी प्रहारबाट राजमायाँको आईतबार घट्नास्थलमै ज्यान गएको हो । दुई महिनादेखि श्रीमतीसँगै मझुवागढी नगरपालिका–७ दोर्पाचिउरीडाँडास्थित ससुरालीमा बस्दैआएका राजकुमारले श्रीमतिमाथि खुकुरी प्रहार गरेका जिल्ला प्रहरी कार्यालय खोटाङका प्रहरी निरिक्षक कृष्ण खड्काले बताउनुभयो ।

घरायसी विबादकाक्रममा श्रीमतीलाई खुकुरी प्रहार गरेर फरार रहेका राजकुमारलाई लुकीरहेको अवस्थामा पक्राउ गरिएको प्रहरीले जनाएको छ ।