चिसाङ शेर्पा कार्तिक÷२७ खोटाङ,

चुनाव नजिकिदै गर्दा खोटाङमा पार्टी परित्याग गरी कार्यकर्ताहरु ओहोरदोहोर गर्न थालेका छन् । शनिवार नेपाली काग्रेस खोटाङले साकेला गाउपालिकास्थित मात्तिम विर्ता ४ मानेभञ्ज्याङमा गरेको चुनावी सभामा नेकपा एमालेका दर्जन कार्यकर्ता पार्टी परित्याग गरी काग्रेसमा आएका छन् ।

साकेला गाउपालिकाका विभिन्न स्थानका अमृता राई, लोचन राई, रोजन राई, महेश राई, सविन राई, डिग वहादुर राई, कर्णाखर फुयल, हरी फुयल, खगेन्द्र खड्का, दिपक खड्का, मुना ढकाल र लक्ष्मी राई कांग्रेसमा प्रवेश गरेका छन् ।
पार्टी प्रवेश गरेका सवैलाई प्रतिनिधिसभाका उम्मेद्वार सरस्वती वजिमय, समानुपातिक उम्मेद्वार हिरा गुरुङले अविर जात्रा गरी स्वागत गरेका थिए । पार्टीमा आएका कार्यकर्तालाई सोही दिन कांग्रेसले साधरण सदस्यता वितरण गरेको छ ।