चिसाङ शेर्पा कार्तिक÷२६ खोटाङ,

प्रथम राष्ट्रिय खेलकुद परिषद कप तथा ५० औं राष्ट्रिय कराते प्रतियोगिता अन्तरगत खोटाङ पुर्वाञ्चल टिममा पहिलो भएको छ । पुर्वाञ्चलवाट कराँतेका विभिन्न विधामा २३ खेलाडी छनौट भएका मध्ये खोटाङका ४ खेलाडी राष्ट्रिय प्रतियोगितामा पदक जितेर करातेको ईतिहासमा खोटाङले नौलो रेर्कड कायम गरेकोे हो । २ रजत २ कास्य पदक जित्दै पुर्वाञ्चलवाट सहभागी अन्य खेलाडीहरुमध्ये उत्कृष्ट स्थान प्रर्दशन गरेका हुन् ।

शुक्रवार काठमाण्डौस्थित त्रिपुरेश्वर कर्वडहल भएको पुरुष कुमितेमा ५५ केजी तौल समुहमा नवीन राई, ६० केजी तौल समुहतर्फ सन्तोष राईले रजद पदक जित्दै करातेमा खोटाङलाई अब्बल सावित गरेको हुन् । नविन, नेपाल पुलिस क्लवका सोनाम लामा र सन्तोष पुलिस क्लवकै रविन्द्र कार्कीसंग पराजित भएका हुन् । खोटाङकै, महिला कुमितेमा ५५ केजी तौलमा विध्याकला राई, ६८ प्लस केजी तौलमा मिसडोना राईले कास्य पदकमा वाजी मारेर खोटाङ करातेलाई माथी पु¥र्याएको नेपाल सितोरियो करातेसंघ खोटाङका अध्यक्ष तथा राष्ट्रिय खेलाडी छनौटका लागि पुर्वाञ्चल टिम प्रशिक्षक सञ्जय कुमार राइले जानकारी दिनुभयो ।

“पुर्वाञ्चलवाट कराँतेका विभिन्न विधामा २३ खेलाडी छनौट भएका मध्ये खोटाङका ४ खेलाडी प्रतियोगितामा पदक जितेर करातेको ईतिहासमा खोटाङले नौलो रेर्कड कायम गरेकोे हो ।”

“राष्ट्रिय प्रतियोगितामा हामी अगाडी भयौ, २ रजत २ कास्य पदक पाएका छौ, यो आम खोटाङगेहरुका लागि गौरवको विषय हो । प्रशिक्षक राईले भने, “अझै यो भन्दा माथी जान जिल्लामा खेलकुदलाई पहिलो प्राथमिकतामा राखिनुपर्छ । यहाँ खेलकुदलाई अतिरिक्त क्रियाकलापमा राख्न खोज्छन् । त्यो मानशिकता हटाएर सवैले आ–आफ्नो स्थानवाट सहयोग गरे पुर्वाञ्चल प्रथम मात्रै नभई राष्ट्रिय प्रतियोगितामै उत्कृष्ट प्रर्दशन गर्न सकिने छ । खेलाडी बनाउने आँट, क्षमता र जनशक्ति हामीसंग रहेको छ ।”

यसैगरी, प्रतियोगितामा ५० केजी तौल समुहमा बिवेक थापा मोरङ, ४० केजी तौल समुहमा झापाका ओशिष श्रेष्ठ, ५० केजी तौल समुहमा ईलामकी पृती वस्नेत र ६८ माईनस केजी तौलमा मोरङकी कृति दुलालले कास्य पद जितेकी छन् । हप्तादिन अघि पुर्वाञ्चल छनौट प्रतियोगितामा ७ स्वर्ण ३ रजत ५ कास्यसहित पुर्वाञ्चल प्रथम भएका खोटाङले राष्ट्रिय टिमका लागि भने स्वणर््ा जित्न सकेनन् ।   राष्ट्रिय टिममा छनौट खेलाडीहरुले सन २०१८ मा ईण्डोनेशियाको जकार्तामा हुने १८ औ एसियन तथा सन २०१९ मा नेपालले आयोजना गर्ने १३ औ साउथ एशियन गेम खेल्न पाउँनेछन् ।