चिसाङ शेर्पा कार्तिक÷२२ खोटाङ,

निर्वाचन आचार संहिता विपरित चुनावीसभा गर्दा नायक तथा नेकपा माओवादी केन्द्रका १ नम्बर प्रदेशसभाका समानुपातिक उम्मेद्वार नवल खड्काको कार्यक्रम प्रशासनले विचमै वन्द गराएको छ । बाम गठबन्धनसहित नियम विपरीत सभा गर्दा खड्काको कार्यक्रम वन्द गराईएको हो ।

“आफुले वोलेको आफैले पालना नगर्दा बाध्य भएर कार्यक्रम वन्द गराईएको प्रमुख जिल्ला अधिकारी एकदेव अधिकारीले बताउनुभयो ।”

जिल्ला प्रशासन कार्यालयमा विशुद्ध मनोरञ्जनात्मक कार्यक्रम गर्ने भनि कवुल गरेका नायक खड्काले सदरमुकामको त्रिवेणीचोकस्थि होटल आचार्य एण्ड लज अगाडी सडक जाम गराएर ‘भिमदत्त’ नामक चलचित्र देखाएका थिए । साँझ सातवजे देखी देखाएको फिल्म ८ वजे मध्यन्तरपछिको केही समयमा वन्द गराईको हो ।

हामीसमक्ष सांगितिक कार्यक्रम मात्रै गछौ भनेकाले राष्ट्रिय तथा जिल्लाकै कलाकार भएका नाताले कार्यक्रम गर्न दिएका हौ । तर, उहाँहरुले आफुले वोलेको आफैले पालना नगर्दा बाध्य भएर कार्यक्रम वन्द गराईएको प्रमुख जिल्ला अधिकारी एकदेव अधिकारीले बताउनुभयो । समानुपातिक उम्मेद्वार तथा नायक खड्काले प्रशासनमा सिनेमा देखाउँने कुरा नै नगरेको प्रमुख जिल्ला अधिकारीको भनाई छ ।

जिल्ला निर्वाचन अधिकृत दिनेश खत्रीका अनुसार कुनै पनि दल तथा उम्मेद्वारले विहान ८ वजेदेखी वेलुका ७ वजेसम्म जुलुस, आमसभा, र्याली, भाषण, सांगितक कार्यक्रम गर्न पाईन्छ । उहाँहरु निर्वाचन आचार संहिताभन्दा वाहिर गएर कार्यक्रम गरेको हो यस्तो गर्न संहिताले दिन्न निर्वाचन अधिकृत खत्रीले भने, आचार संहिता विपरीत कार्यक्रम गर्न कसैलाई अधिकार छैन ।