समायोजन खवर कार्तिक÷२२ खोटाङ,

नेपाल कम्यूनिष्ट पार्टी विप्लव नेतृत्तवले बाम गठबन्धलाई चुनावमा सहयोग गर्ने भनिएको कुरा झुटो रहेको दावि गरेको छ । नेत्रविक्रम चन्द (विप्लव) नेतृत्वले आगामी मंसिर १० गते हुने प्रतिनिधि सभा र प्रदेश सभा निर्वाचनमा बाम गठबन्धलाई सहयोग गर्ने भनेर मिडियामा गरिएको प्रचार झुटो रहेको जनाईएको छ । विप्लव नेतृत्वले बुधबार निकालेको प्रेस विज्ञाप्तीमा भनिएको छ ।

पार्टी र संगठनको नाम जोडेर बाम गठबन्धनलाई सहयोग गर्ने भनि भनिएको भ्रामक समाचार सृजना गरि जनतामा भ्रम पैदा गरिएको विषयप्रति गम्भीर ध्यानाकर्षण गर्दछौं, विज्ञप्तीमा भनिएको छ । पार्टीका जिल्ला सेक्रेटरी मिनप्रसाद पोखरेलद्धारा हस्ताक्षर गरिएको विज्ञप्तीमा आगामी चुनावमा सहभागी नहुन क्रान्तिकारी जनसमुदायलाई अपिलसमेत गरिएको छ ।

सेक्रेटरी आचार्यका अनुसार पार्टीको कुनैपनि निर्देशन नभएको तर, बाम गठबन्धनलाई सहयोग गर्ने भन्ने अकस्मात प्रचार भएकोले त्यो सत्य नभएको जानकारी दिए ।