चिसाङ शेर्पा असोज÷७ खोटाङ ,
चाडपर्वलाई मध्यनजर गर्दै मध्यपहाडी लोकमार्ग अन्तरगत खोटाङको दिक्तmेल–हुर्लुङ सडकको दिक्तेल–कारागार सडक मर्मत गरिएको छ । दशैं, तिहार र छठ पर्वको अवशरमा जिल्ला भित्रने र फर्कने यात्रुको सुविधालाई ध्यानमा राखेर दिक्तेल–हुर्लुङ सडक खण्डको जिरोपइन्टदेखि कारागारबीचको भागमा खाल्डाखुल्डी र हिलाम्मे सडक मर्मत गरिएको छ ।

“दिक्तेल– हुर्लुङ ११.४३ किलोमिटर सडकमा गाडी गुडाउँन समस्या भईरहंदा ढिलै भएपनि सडक मर्मत कार्य थालिएको हो ।”

दिक्तेलकै जिरोपइन्टदेखि रमितेडाँडा – पेट्रोल पम्प आसपासका बिग्रेका सडक शनिबार जिल्ला प्रशासन कार्यालयको नेतृत्वमा नेपाली सेना, शसस्त्र प्रहरी, नेपाल प्रहरी, व्यवसायी लगायतको सहभागीतामा मर्मत गरिएको हो । सदरमुकाम आसपासकै सडकमा सवारी साधन भासिने समस्याले यात्रुले सास्ती खेप्नु परेकाले सडक मर्मत गरिएको प्रमुख जिल्ला अधिकारी एकदेव अधिकारीले बताउनुभयो ।

खाल्डो परेर सवारी साधन अड्किने सडकमा ढुंगा ओसारेर ग्राभेल गरिएको छ । यस्तै, रुपाकोट मझुवागढी नगरपालिकाको स्काभेटर प्रयोग गरेर सडकमा जमेका पानी कटान गरिएको छ ।

दिक्तेल– हुर्लुङ ११.४३ किलोमिटर सडकमा गाडी गुडाउँन समस्या भईरहंदा व्यापक जन गुनासो बढ्न थालेपछि ढिलै भएपनि सडक मर्मत कार्य थालिएको हो । दिक्तmेल–कारागार सडक मर्मत गरिए पनि तत्काल मुढे हुर्लुङ खण्डको सडक मर्मत गर्नुपर्ने देखिन्छ ।