एजेन्सी , फागुन २० ।  

बार्सिलोनाका प्रशिक्षक लुइस एनरिकले क्लब छोड्ने घोषणा गरेका छन् । केही समय फुटबलबाट विश्राम लिन यसै सिजनको अन्त्यमा बार्सिलोना छोड्ने उनले बताएका हुन्  ।

ला लिगाको बिहीबार बिहान सकिएको खेलमा बार्सिलोनाले स्पोर्टिङ गिजोनलाई ६–१ गोलले पराजित गरेपछि उनले विश्राम लिने घोषणा गरेका हुन् । उनले विश्रामका लागि भन्दै क्लब छोड्ने बताए । ४६ वर्षीय  एनरिकको बार्सिलोनामा यो तेस्रो सिजन हो ।

स्पेनका पूर्व मिडफिल्डर एनरिकले सन् १९९६ देखि २००४ सम्म बार्सिलोनाबाट खेलेका थिए ।

सन् २००८ देखि २०११ सम्म उनी बार्सिलोनाको ‘बी’ टोलीमा प्रशिक्षकको भूमिकामा थिए ।