चिसाङ शेर्पा चैत्र/९ खोटाङ,
खोटाङको खोटेहाङ गाउँपालिकामा आदिबासी जनजाती समन्वय परिषदको तदर्थ समिति गठन गरिएको छ । नेपाल आदिबासी जनजाती महासंघ जिल्ला समिति खोटाङको पहलमा अनिल राईको अध्यक्षतामा १० सदस्यीय आदिबासी जनजाती महासंघ खोटेहाङ गाउँपालिका समन्वय परिषदको तदर्थ समिति गठन गरिएको हो ।

समन्वय परिषदको उपाध्यक्षमा निरकुमार राना मगर, सचिवमा कुमार उदास, सह–सचिवमा बिकल चौधरी र कोषाध्यक्षमा अमिता भुजेल चयन भएका छन् । गाउँपालिकाभित्रका विभिन्न जनजातीय संगठनका प्रतिनिधिलाई समेटेर तदर्थ समिति गठन गरिएको हो ।

नेपाल आदिबासी जनजाती महासंघ जिल्ला समितिका अध्यक्ष हात्तीराम राईको उपस्थितिमा सोमबार आदिबासी जनजाती महासंघ खोटेहाङ गाउँपालिका समन्वय परिषदको तदर्थ समिति गठन गरिएको हो । समिति गठन पश्चात महासंघका अध्यक्ष राईले तदर्थ समितिका अध्यक्ष अनिललाई बैठक पुस्तिका र बिधान हस्तान्तरण गरेका थिए ।
यसअघि, महासंघले केपीलासगढी गाउँपालिका, दिक्तेल रुपाकोट मझुवागढी नगरपालिका, साकेला गाउँपालिका, रावाबेंशी गाउँपालिका, दिप्रुङ चुईचुम्मा गाउँपालिका र बराहपोखरी गाउँपालिकामा समिति गठन गरिसकेको छ ।