समायोजन खबर खोटाङ, खोटाङको दिक्तेल रुपाकोट मझुवागढी नगरपालिका–४ खाल्ले सिद्धेगुफास्थित दिक्तेल–खानीडाँडा सडकखण्डमा मोटरसाइकल दुर्घट्ना हुँदा चालक गम्भीर घाईते भएका छन्।

दिक्तेलबाट खानीडाँडातर्फ जाँदै गरेको बा ६३ प ९४५८ नम्बरको मोटरसाइकल असोज १४ गते राती साढे १ बजे आफै अनियन्त्रित भई दुर्घट्ना हुँदा खाल्ले आहालेका २० वर्षीय भुवन राई घाईते भएका हुन्।

उनको टाउकोमा गहिरो चोट, बाँया हातमा चोट लागेको बोल्न नसक्ने अबस्थामा तत्काल उपचारमा जिल्ला अस्पताल दिक्तेल लगिएको थियो। घाइतेलाई थप उपचारका लागि सोही राती ३ बजेर १५ मिनेट जाँदा बा २ झ ८८६१ नम्बरको एम्बुलेन्समार्फत न्युरो अस्पताल काठमाण्डौ रिफर गरिएको प्रहरीले जनाएको छ।

दुर्घट्नामा परेको मोटरसाइकल जिल्ला प्रहरी कार्यालय ल्याउने पहल भईरहेको छ।