समायोजन खबर खोटाङ, खोटाङको पहिलो शहिद ठुलकुमार श्रेष्ठको २६ औं स्मृतिसभा कार्यक्रमका अवसरमा विधार्थीलाई झोला र स्टेशनरी सामाग्री वितरण गरिएको छ।

शुभद्रा–मदन फाउण्डेसनले दिक्तेलको सोल्मामा सञ्चालन गरिरहेको जनजाग्रती माविमा शनिबार स्मृतिसभा गरेर उक्त विद्यालयमा अध्ययनरत विपन्न १० जना विधार्थीलाई झोला तथा १२० जना विधार्थीलाई कापी र कलम वितरण गरिएको हो।

शहिद ठुलकुमारका माइली छोरी कुसुम श्रेष्ठको अध्यक्षतामा स्मृतिसभा गरेर कान्छी छोरी कान्ती श्रेष्ठ र जुवाई ओमप्रकाश घिमिरेले विधार्थीहरुलाई झोला, कापी र कलम वितरण गरेका हुन्।
स्मृति सभामा शहिद ठुलकुमारलाई उनका समकालिन साथी नुरकाजी सैंजु र उनलाई अध्यापन गराउने शिक्षक झनक थापाले सम्झना गरेका थिए।

दिक्तेल रुपाकोट मझुवागढी नगरपालिका–८ दोर्पाका शहिद ठुलकुमारलाई २०५५ साल पुस २७ गते उदयपुरको तावाश्रीस्थित साखोलामा तत्कालिन राज्यपक्षले बर्बरतापूर्वक हत्या गरेका थिए। शहिद ठुलकुमारको श्रीमती र तीन छोरी छन्।