समायोजन खबर खोटाङ, खोटाङको दिक्तेल रुपाकोट मझुुवागढी नगरपालिका–१५ बिजयखर्कमा अति विपन्नहरुलाई ब्ल्याङकेट वितरण गरिएको छ। कोशी प्रदेशका मुख्यमन्त्री केदार कार्कीको निर्देशनमा कोशी प्रदेश आन्तरिक मामिला तथा कानून मन्त्रालयबाट प्राप्त भएको ५० थान ब्ल्याङकेट ती लक्षित वर्गहरुलाई शुक्रबार(आज) वितरण गरिएको हो।

बिजयखर्कस्थित जुरेथुम्का सामुदायिक वनको कार्यालय तथा भैरवेश्वर महादेव मन्दिरको प्राङगणमा ‘नारायण प्रसाद पोखरेल स्मृति समाज’ले आयोजकीय व्यवस्थापन गरेर वडाले छनोट गरेको अति विपन्न ५० परिवारलाई लक्षित गरेर ब्ल्याङकेट वितरण गरिएको नारायण प्रसाद पोखरेल स्मृति समाजका सचिव जिवराज पोखरेलले जानकारी दिए।लक्षित वर्गलाई नेपाल पत्रकार महासंघ जिल्ला शाखा खोटाङका अध्यक्ष दिलीप खत्री, बिजयखर्कका वडाध्यक्ष रामबहादुर कटवाल, नारायण प्रसाद पोखरेल स्मृति समाजका संरक्षक धर्मराज पोखरेल र समाजका अध्यक्ष देवराज शर्माले ब्ल्याङकेट वितरण गर्नुभएको थियो।

हामीले पहल गरेपछि मन्त्री कार्कीले ब्ल्याङकेट उपलब्ध गराइ दिनुभयो। ५० थान त्रिपाल पनि प्राविधिक कारणले ल्याउन पाईएन । संरक्षक पोखरेलले भने, “त्यो पनि आउँछ।”

चिसोमा ब्ल्याङकेट पाएपछि खुशी लागेको ब्ल्याङकेट प्राप्त गरेका लक्षित वर्गहरुको भनाई थियो।हेर्नुहोस भिडियो समाचार,

https://www.facebook.com/samayojankhabar/videos/1083826129595425