समायोजन खबर खोटाङ, खोटाङमा भिरबाट लडेर घाईते भएका दुईजनामा एकजनाको उपचारको क्रममा मृत्यु भएको छ।

दिक्तेल रुपाकोट मझुवागढी नगरपालिका–१४ बुईपा ठाडो फुलेलीका ३५ वर्षीय एकराज राईको उपचारको क्रममा आईतबार (आज) बिहान ११ः३० बजे शिक्षण अस्पताल महाराजगञ्जमा मृत्यु भएको हो।

मृतक राई र सोही ठाउँका २१ वर्षीय सुमन राई शनिबार साँझ साँढे ६ बजे मादक पदार्थ सेवन गरी गैरी फुलेलीबाट ठाडो फुलेली जाने क्रममा माईङ खोलाको भिरबाट अन्दाजी १०० मिटर तल खसेर घाईते भएका थिए।

घाईते दुबैलाई तत्काल जिल्ला अस्पतालमा उपचारमा पु-याईएको थियो। जिल्ला अस्पतालमा सामान्य उपचार गरेर हिजै शिक्षण अस्पताल महाराजगञ्ज उपचारमा पुगेका दुईमध्ये एकराजको उपचार गर्दा गर्दै मृत्यु भएको प्रहरीले जनाएको छ। एकराजको शव निजकै भाई बृजेश राईले बुझि लगेको प्रहरीले जनाएको छ।

अर्का घाईते सुमनको उपचार भईरहेको छ।