समायोजन खबर खोटाङ, खोटाङको दिप्रुङ चुईचुम्मा गाउँपालिका अध्यक्ष लोकेन्द्र राई गाउँपालिका राष्ट्रिय महासंघ नेपाल, कोशी प्रदेश समिति सदस्य निर्वाचित भएका छन्।

गाउँपालिका राष्ट्रिय महासंघ नेपाल, कोशी प्रदेशको मंगलबार सम्पन्न दोश्रो प्रदेश अधिबेसनबाट गाउँपालिका अध्यक्ष राई प्रदेश कार्य समिति सदस्यमा निर्वाचित भएका हुन्।

२०७४ सालको स्थानीय तहको निर्वाचनमा वडाध्यक्ष चुनिएका राई पाँच वर्षपछि गाउँपालिका अध्यक्षमा निर्वाचित भएका हुन्।
राई नेकपा एमाले खोटाङका सचिवालय सदस्य एवं एमाले दिप्रुङ चुईचुम्मा गाउँपालिका इन्चार्ज छन्। अधिबेसनले राजनैतिक भागवण्डामा गाउँपालिका राष्ट्रिय महासंघको नेतृत्व टुंगा लगाएको छ।