समायोजन खबर खोटाङ, खोटाङमा राजनीतिक दलहरुले निर्वाचन प्रचारप्रसारका क्रममा राखेका निर्वाचन सामाग्रीहरु अझै हटाएका छैनन्।
गत मंसिर ४ गते भएको प्रतिनिधिसभा र प्रदेशसभा सदस्य निर्वाचन प्रचारप्रसारका लागि राखिएको विभिन्न प्रचारप्रसारका सामाग्रीहरु नहटाएका हुन्।

दिक्तेल रुपाकोट मझुवागढी नगरपालिका–१४ बुइपाको पञ्चरेदोबाटोमा नेकपा एमाले, नेपाली कांग्रेस, नेकपा माओवादी केन्द्र तथा स्वतन्त्र उम्मेदवार धर्मराज पोखरेलले राखेको निर्वाचन प्रचारप्रसार सामाग्री अझै हटाईएको छैन। बुईपामा जस्तै अन्य बजारक्षेत्रहरुमा पनि निर्वाचन प्रचारप्रसारका सामाग्री हटाईएको छैन।
निर्वाचन मत परिणाम सकिएको हप्ता दिनभित्र प्रचारप्रसारका सामाग्रीहरु अनिवार्य हटाउनुपर्ने निर्वाचन आचारसंहिता रहेको जिल्ला निर्वाचन अधिकारी राजेश गौतमले बताए। आचारसंहितामा आफैले निर्वाचन प्रचारप्रसार सामाग्री राख्ने र आफैले हटाउने भन्ने छ। तर, राजनीतिक दल तथा स्वतन्त्र उम्मेदवारले अहिलेसम्म त्यस्ता सामाग्री नहटाउनु चाँहि आचारसंहिताको व्यापक उल्लंघन हो। गौतमले भने।

बुईपाको पञ्चरेदोबाटोमा भएको निर्वाचन प्रचारप्रसार सामाग्रीहरु सम्बन्धित राजनीतिक दल तथा उम्मेद्वारलाई हटाउन लगाईने सहायक प्रमुख जिल्ला अधिकारी पवित्र प्रकाश साहले बताए।