समायोजन खबर खोटाङ,खोटाङमा कोरोना संक्रमितको संख्या १ मा झरेको छ। दैनिक रुपमा कोरोना संक्रमितको संख्या घट्दै, घट्दै गएको हो।

संक्रमित एकजना होम आइसोलेसन रहेको स्वास्थ्य कार्यालय खोटाङका कोरोना फोकल पर्सन भिष्म पाण्डेले जानकारी दिए। पाण्डेका अनुसार आज १५ जनाको एन्टीजेन परीक्षण गर्दा संक्रमित शुन्य रहेको थियो। आज ६ जनाले कोरोना जितेका छन्।

पहिलो, दोश्रो र तेश्रो लहरको कोरोना संक्रमित भई निको हुनेको संख्या ३ हजार ४४९ जना पुगेको छ। हालसम्म ३ हजार ४९३ जना संक्रमित भएका छन्। पहिलो र दोश्रो कोरोना लहरबाट जिल्लाभर १५ जनाको मृत्यु भएको छ।

कोरोना विरुद्धको पहिलो मात्राको खोप १ लाख २१ हजार ४३० जनाले लगाएका छन भने, कोरोना विरुद्धको दुबै मात्राको खोप १ लाख ७ हजार ४२ जनाले लगाएका छन्। जिल्लाभर २३४ वटा बेड, भेन्टिलेटर १ वटा, एम्बुलेन्स ७ वटा, अक्सिजन सिलिण्डर २ सय वटा र अक्सिजन कन्सन्ट्रेटर ३७ वटा उपलब्ध रहेको छ।