समायोजन खबर खोटाङ,खोटाङमा एकैदिन २१ जना संक्रमणमुक्त भएका छन्। बुधबार ३२ जनाको एन्टीजेन परीक्षण गर्दा ४ जनामा संक्रमण देखिएको हो।

जिल्लाभर १६६ जना संक्रिय संक्रमित रहेको स्वास्थ्य कार्यालय खोटाङका कोरोना फोकल पर्सन भिष्म पाण्डेले जानकारी दिए। पाण्डेका अनुसार संक्रमितहरु होम आईसोलेसनमा छन् । उनीहरुको स्वास्थ्य अवस्था सामान्य रहेको छ।

पहिलो, दोश्रो र तेश्रो लहरको कोरोना संक्रमित भई निको हुनेको संख्या ३ हजार २३८ जना पुगेको छ। हालसम्म ३ हजार ४१८ जना संक्रमित भएका छन्। पहिलो र दोश्रो कोरोना लहरबाट जिल्लाभर १५ जनाको मृत्यु भएको छ।

कोरोना विरुद्धको पहिलो मात्राको खोप १ लाख १६ हजार ६८९ जनाले लगाएका छन भने, कोरोना विरुद्धको दुबै मात्राको खोप ६७ हजार २९ जनाले लगाएका छन्। जिल्लाभर २३४ वटा बेड, भेन्टिलेटर १ वटा, एम्बुलेन्स ७ वटा, अक्सिजन सिलिण्डर २ सय वटा र अक्सिजन कन्सन्ट्रेटर ३७ वटा उपलब्ध रहेको छ।