समायोजन खबर खोटाङ, खोटाङको रावाबेंशी गाउँपालिका–६ हौचुरका ज्ञानेन्द्र खड्काको घरमा आगलागी भएको छ। विधुत सर्ट भई आगलागी हुंदा खड्काको घर पूर्ण रुपमा जलेर नष्ट भएको छ।

शनिबार साँझ साढे ७ वजे एक्कासी विधुत सर्ट भई आगलागी हुंदा ढुंगा माटोले बनेको टिनको छानो भएको तीन तले घर जलेर नष्ट भएको जिल्ला प्रहरी कार्यालय खोटाङले जनाएको छ।

आगलागीबाट घरमा भएको अन्नपात, लत्ताकपडा, भाडावर्तन जलेर नष्ट भएको छ। यस्तै, सात तोला सुन र नगद ४ लाख पनि जलेको अग्नी पीडितले बताएको, प्रहरीले जनाएको छ।

आगलागीबाट खड्काको अन्दाजी २३ लाख बराबरको क्षति भएको छ। आगलागीबाट मानवीय र चौपायामा भने क्षति पुगेको छैन। आगो हरमटार प्रहरी चौकी र स्थानीयको सहयोगमा नियन्त्रणमा लिइएको थियो।